"Məhz öz coğrafi mövqeyimizə görə biz bütün rabitə vasitələrini inkişaf etdirmək və qlobal informasiya sistemi yaradılmasında irəliləyişi təmin etmək üçün misilsiz imkanlara malikik"

Heydər Əliyev

"İnsanların işləməsi, fəaliyyət göstərməsi, dövlət orqanlarının, ayrı-ayrı özəl qurumların, hər bir təşkilatın səmərəli işləməsi üçün rabitə indi çox mühüm bir vasitədir"

Heydər Əliyev

"Rabitəçilərin vəzifəsi bütün rabitə növlərinin, xüsusən telefon rabitəsinin iş keyfiyətini daha da yüksəltməkdən, əhalinin ehtiyac və tələbatına daha çox fikir verməkdən ibarətdir"

Heydər Əliyev

"Son illər Azərbaycanda rabitənin inkişafı sürətlə gedir və aparılan işlər, əldə olunan nəticələr təqdirəlayiqdir"

Heydər Əliyev

"İndiki zamanda rabitə hər bir insan üçün ən çox lazım olan bir vasitədir"

Heydər Əliyev

Google smartfonlarda 2G şəbəkəsinin deaktiv edilməsini məsləhət görür

Google şirkəti Android smartfonların istifadəçilərinə öz cihazlarında 2G şəbəkəsini deaktiv etməyi məsləhət görüb. Bu, aşağı səviyyəli təhlükəsizlik ilə bağlıdır. Belə ki, aşağı səviyyəli təhlükəsizlik səbəbilə dələduzlar və hakerlər müxtəlif şirkətlərin adlarından saxta mesajlar göndərə bilərlər. 2G şəbəkələrinin aşağı səviyyədə qorunmaya sahib olduqları üçün hakerlər mobil stansiya simulyatorlarından istifadə edə bilərlər. Onlar həmçinin saxta baza stansiyaları (FBS) kimi də tanınırlar.

 Bu radio cihazlar mobil cihazların şəbəkə qoşulmalarını əldə etmək üçün əsl mobil stansiyaları imitasiya edirlər. Google şirkətinin hesabatına əsasən son illərdə maliyyə ilə bağlı dələduzluq məqsədlərində FBS-dən istifadə hallarının sayı artıb. Adətən şəbəkə operatorları xüsusi spam filtrindən istifadə edirlər. Xüsusi spam filtri öz növbəsində dələduzlara fişinq (phishing) mesajları yaymaqda çətinliklər yaradır. Lakin FBS-dən istifadə sayəsində onlar bu məhdudiyyətlərdən tamamilə yan keçə bilirlər.

Nəticədə fişinq mesajlar qurbanlara çatdırıla bilir. Bununla belə dələduzlar elə edə bilərlər ki, sanki mesajlar banklar da daxil olmaqla müxtəlif şirkətlərin nömrələrindən gəlib. Qeyd etmək lazımdır ki, 2G şəbəkəsini modem səviyyəsində deaktiv etmək özəlliyi hələ Android 12-də istifadəyə verilmişdi. Bu özəllik istifadəçiləri saxta SMS-lərin əldə edilməsi riskindən tamamilə qoruyur. Qeyd etmək lazımdır ki, 2G şəbəkəsinin deaktiv olduğu halda belə fövqəladə zəng funksiyası aktiv şəkildə qalır.